المساعد الشخصي الرقمي

مشاهدة النسخة كاملة : ... من أجمـل قصايد طـلال الرشيـد (الله يرحمه)...

xX ولــد شــمــر xX
03-28-2008, 09:48 PM
:

:

مـكـانــك مـكـانــك ..

أمــوت مـن فرقـاك .. و أمــوت بلـقـاك
وأموت من جورك .. و أموت بحنـانك
كــلٍ قـضـاه يــمــوت مـرّه .. و يـفـداك
و أنـا أمــوت ألـفـيـن مـرّه .. عـشـانـك
أذكــرك.. لا مـني نسـيـت إني نسـيـتـك
أنــســـاك .. لامـني ذكـــرت نــسـيــانــك
رضـــيــت أنـا بالهــم لرضــاك مرضــاك
و ارخصت لك قلبٍ جرحتـه .. وصـانـك
أجـيك في صـدري عتـاب .. و أبجـفـاك
و أرجــع ألـــوم الوقـت و أقـول خـانــك
أحــب فــيـك .. احسـاسـي إنـي بـلامــاك
فـي عـــز خــوفـي مـنـك أحــس بأمـانـك
عــجـزت أفــرق بين وصـلـك و فـرقــاك
يـاللي عـطـيـت الـنـاس بـيـدك عـنــانــك
مـــر تـجـيـنــي لــيــن أقـــول إنـي إيـاك
و مــر تــروح بــعـيـد و انســى أوانــك
أقـبل و تقفي .. و اعتذر عن خطـايـاك
و أقــول مـا عــيـيـت .. عـيـا زمــانـــك
و إن خـانتـك دنياك .. أو خنـت دنـيـاك
إرجــع و تــلـقـابي .. مكـانـك.. مكـانـك



عـلـمـتـنـي ..

علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى



اخـــــر حـــــــــــــب ..

كنت احسب اني عرفت الحـب قبل اعـرفــك
وعشقت قبل اعشقك واشتقـت قبل التقيــك

وكنت احسب اني لقيت احباب قبل اوصلك
واثري توهـمـت في غيـرك وانا كنت ابـيـك

تـعـال نـعـطـش وتـشـــربـني وانـا اشــربــك
تـعـال قـبـل الوعــد اجـلـس مـعـي نحتـريـك

تـعـال شـفـنـي وانــا اســتــنــاك اشــبــهـــك
يطري علي الف راي و راي واحتـار فـيـك

اجي مكـان الوعــد والا اســبــقــه انــطــرك
والا آخـذ الموعــد اللي يـحـتـريـك واجـيــك

يـا آخـــر الـحـــب ذقــت الـحـــب فـي اولــك
ويا اول الشوق اقصـى الشـوق ما ينتهـيـك

علمتني كيف اعرفـك لـيـن صــرت اجـهـلـك
ضـيـعـتـنـي فـي مـتـاهـاتـك وكنـت ارتـجـيـك

حـبـيـب الاحـــــلام يابــعــــدك ويـا مـقــربــك
حــــرام يـكـفــي تـبـعـثـرنـي وانـا احـتـويــك

ان شـفـتـك بـحـلــم صـدقـتــه وانـا اتوهمـك
وان شـفـتـك بعلم كـذبــتــه الـيـن انـتـشـيــك

اخـاف اغمـض عـيـونـي وان رمشت افقدك
واخـاف افـتـح وتـصـبـح حـلـم ولا الـتـقـيـك

:

:
الصقر
03-28-2008, 09:53 PM
مشكور على القصائد الجميلة .
أبو نايف
03-29-2008, 12:55 AM
الله يعطيك العافيه أخوي ولد شمر

و قصائد طلال الرشيد رحمة الله عليه كلها جميلة

دمت بخير
,,Taif,,
03-29-2008, 01:53 AM
كلمات جميلة,,

مشكور ولد شمر على حسن الإختيار..
أتمنى لك التوفيق..




‏,,Taif,,
إبراهيم المحمد
03-29-2008, 02:10 AM
/


الله يرحمك يابونواف ويغفرلك ويجعل مثواك الجنه



ولد شمر
مشكور على بعض درر فقيد الشعر رحمه الله



لك احترامي
إبراهيم المحمد
xX ولــد شــمــر xX
03-29-2008, 05:14 AM
:

:

ياااهلا والله نورتوا الموضووع ..

:

:
الحر الأشقر
03-29-2008, 08:16 AM
الله يرحمه ويسكنه الجنه


الحر الأشقر
البرنس
03-29-2008, 11:51 AM
الله يرحمه ويسكنه جنات النعيم
والله يعطيك العافيه على القصائد
xX ولــد شــمــر xX
03-29-2008, 05:33 PM
""

يااااااااااامرحباااااااا والله نورتوا ..

""