ramat
03-30-2008, 10:06 PM
الله مـن عيـن طرقهـا صواديـف
عميت ويبسن العـروق الصخافـي
شفت الوزا بالعين من عرض ماشيف
شفته وغيري من فطن لـه وشافـي
وقت تغير فيـه حتـى العواصيـف
جا ءفي عواصيف الرياح أختلافـي
شـره قناطيـر وخيـره مقاطيـف
يفطن له اللي يرضع الديـد غافـي
كم واحد جاله زمانه علـى الكيـف
واغترته نفسـه يبـا الجـود وافـي
يطلـع مطاليـع العـلا بالسواليـف
بين العذارى عـد روحـه سنافـي
يفرح بهرج بالقفى يكـره الضيـف
قتـات والقتـات بالـنـار هـافـي
يعلق قصيره علقـة النـار بالليـف
عـي ولـد عـي زنـوده ضعافـي
ان رخصت الحذوه توقى عن الحيف
وان غليت الحذوه مشى اللاش حافي
يرقـد ويلحـق والدينـه تخاليـف
دايـم ومرقـد ميـت النـار دافـي
هو مادرى إ ن الجود يبغى تكاليـف
سهـر الليالـي مقبـلات مقـافـي
يبغـى يديـن للعطايـا مغـاريـف
ويبغـى رجـول ماتمـل الوقافـي
والصبر بنحور السنين الشواحيـف
اللي قساهـا مثـل حـد الرهافـي
القصيده من حفظي وقد تكون ناقصه فمعذرة
عميت ويبسن العـروق الصخافـي
شفت الوزا بالعين من عرض ماشيف
شفته وغيري من فطن لـه وشافـي
وقت تغير فيـه حتـى العواصيـف
جا ءفي عواصيف الرياح أختلافـي
شـره قناطيـر وخيـره مقاطيـف
يفطن له اللي يرضع الديـد غافـي
كم واحد جاله زمانه علـى الكيـف
واغترته نفسـه يبـا الجـود وافـي
يطلـع مطاليـع العـلا بالسواليـف
بين العذارى عـد روحـه سنافـي
يفرح بهرج بالقفى يكـره الضيـف
قتـات والقتـات بالـنـار هـافـي
يعلق قصيره علقـة النـار بالليـف
عـي ولـد عـي زنـوده ضعافـي
ان رخصت الحذوه توقى عن الحيف
وان غليت الحذوه مشى اللاش حافي
يرقـد ويلحـق والدينـه تخاليـف
دايـم ومرقـد ميـت النـار دافـي
هو مادرى إ ن الجود يبغى تكاليـف
سهـر الليالـي مقبـلات مقـافـي
يبغـى يديـن للعطايـا مغـاريـف
ويبغـى رجـول ماتمـل الوقافـي
والصبر بنحور السنين الشواحيـف
اللي قساهـا مثـل حـد الرهافـي
القصيده من حفظي وقد تكون ناقصه فمعذرة