ابونايف1
04-01-2008, 09:42 PM
السلام عليكم ورحمة الله وبركاته
حياكم الله وياهلا فيكم
تعالوا نرجع ورا شوي ونتفرج على اطلال الشنانه
ونتفرج على مرقبها المشهور
من خلال هذه القصيده للشاعر الكبير
يوسف عبدالله الخليفه / الرس
بصوت المبدع
ابو ناصر
ان شاء الله تعجبكم
قال الذي به شجون القلب تنــــــهالي
زجيتها بالــــــــــورق لـَمَا يجي حينه
*****
مريت انا ابمرقب(ن) ماداجــه الوالي
ماباقي ابصحصحه جمش ولا طــــينه
*****
يامرقب(ن )بالشنانه مشرف(ن) عالي
صبار طول الزمــــــــن راحت بساتينه
*****
تشذب جنوبه رياح (ن) تنهش الجالي
طول الدهر ماشكى الاضيام وسنـــينه
*****
عقب الاوادم غدا صراخ واثـــــــعالي
وجذوع نخــــــله فنت واندثرت العينه
*****
واليوم واقف وحيد(ن) ساكن(ن) خالي
وتزوره الناس من فينه بـــــــاثر فينه
*****
تشطرت ديرته مع جملة رجـــــــــــالي
صارت مباني حــــــديثه اظهرت زينه
*****
كم واحد(ن) بالشــــنانه عاش واجتالي
يقطف رمـــامينها ويذوق من تـــــــينه
*****
ربي ســـــــقاها عسى للغـــــــيث نزالي
عســـــــى ربيع الوسم يفرش سحاقينه
*****
يامزنة(ن) غدرت بالصيف تنـــــــجالي
من الرضيمه لما شـــــــــــــرقه تعدينه
*****
روحــــي على بيت ربعي وسقي الغالي
بامر مــــــدير الفلك لزمـــــــن تسقينه
*****
ياونة(ن) حشرجت بالصدر تــــــبرا لي
بالـــــقلب ونة ونين(ن) زاد ونيـــــــنه
*****
نوح الحمامه نشيد(ن) عذب الســــالي
ياهل الخليفه هو وينه جـــــــدكم وينه
*****
قوله طرب واضــــطرب من قولها بالي
قولوا لها جـــــــدنا ماعـــــــاد له بينه
*****
والـــــــدور واقف علينا شيب وعيالي
حوض المنايا ياربعي مقترب حـــــينه
*****
حياتنا ياجـــــــماعه عـــــــمرها زالي
يارابـــــــح بالعمل او راح غبـــــــينه
*****
انا اشــــهد ان المـــــــنايا شد ونزالي
قريبة من حـــــداكم ســـــــكرته شينه
*****
تشيل عصر(ن) مضى ثم تطبق التالي
تجمع غنيه وتحطه مع مســـــــاكينه
*****
قال الذي به شجون القلب تنـــــــهالي
زجيـــــتها بالورق لما يجـــــــي حينه
للاستماع والحفظ من هنا حفظك الله (http://faris4411.googlepages.com/burjalshnanah.rm)
.
حياكم الله وياهلا فيكم
تعالوا نرجع ورا شوي ونتفرج على اطلال الشنانه
ونتفرج على مرقبها المشهور
من خلال هذه القصيده للشاعر الكبير
يوسف عبدالله الخليفه / الرس
بصوت المبدع
ابو ناصر
ان شاء الله تعجبكم
قال الذي به شجون القلب تنــــــهالي
زجيتها بالــــــــــورق لـَمَا يجي حينه
*****
مريت انا ابمرقب(ن) ماداجــه الوالي
ماباقي ابصحصحه جمش ولا طــــينه
*****
يامرقب(ن )بالشنانه مشرف(ن) عالي
صبار طول الزمــــــــن راحت بساتينه
*****
تشذب جنوبه رياح (ن) تنهش الجالي
طول الدهر ماشكى الاضيام وسنـــينه
*****
عقب الاوادم غدا صراخ واثـــــــعالي
وجذوع نخــــــله فنت واندثرت العينه
*****
واليوم واقف وحيد(ن) ساكن(ن) خالي
وتزوره الناس من فينه بـــــــاثر فينه
*****
تشطرت ديرته مع جملة رجـــــــــــالي
صارت مباني حــــــديثه اظهرت زينه
*****
كم واحد(ن) بالشــــنانه عاش واجتالي
يقطف رمـــامينها ويذوق من تـــــــينه
*****
ربي ســـــــقاها عسى للغـــــــيث نزالي
عســـــــى ربيع الوسم يفرش سحاقينه
*****
يامزنة(ن) غدرت بالصيف تنـــــــجالي
من الرضيمه لما شـــــــــــــرقه تعدينه
*****
روحــــي على بيت ربعي وسقي الغالي
بامر مــــــدير الفلك لزمـــــــن تسقينه
*****
ياونة(ن) حشرجت بالصدر تــــــبرا لي
بالـــــقلب ونة ونين(ن) زاد ونيـــــــنه
*****
نوح الحمامه نشيد(ن) عذب الســــالي
ياهل الخليفه هو وينه جـــــــدكم وينه
*****
قوله طرب واضــــطرب من قولها بالي
قولوا لها جـــــــدنا ماعـــــــاد له بينه
*****
والـــــــدور واقف علينا شيب وعيالي
حوض المنايا ياربعي مقترب حـــــينه
*****
حياتنا ياجـــــــماعه عـــــــمرها زالي
يارابـــــــح بالعمل او راح غبـــــــينه
*****
انا اشــــهد ان المـــــــنايا شد ونزالي
قريبة من حـــــداكم ســـــــكرته شينه
*****
تشيل عصر(ن) مضى ثم تطبق التالي
تجمع غنيه وتحطه مع مســـــــاكينه
*****
قال الذي به شجون القلب تنـــــــهالي
زجيـــــتها بالورق لما يجـــــــي حينه
للاستماع والحفظ من هنا حفظك الله (http://faris4411.googlepages.com/burjalshnanah.rm)
.