مجرد أقتراحــــــــــــــــــ

[ولد ناس ماينداس]

ودي تسووي مسابقه مثلا
بــ دوانيه التعليميه
مثال:
تحطون سؤال : وحنى نجاوب عليه وياليت
تكون أسئله حلوه تفيدنا وتفيد الجميع
وأشكر لك من قام على هذا المنتدى

[bandreh]

احسن اقتراح

[الباشا أبوبدر]

ولد ناس شكلك تقراء افكاري

اقتراح حلو

وأنا كنت بقترح نفس هذا الأقتراح لكن فيه شوية اختلاف

اولاً: أنا قلت لازم مسابقه عشان تفعل المنتدى (( مثل رايك )) ولكن متى الوقت المناسبه
فقلت لو نزلناها الحين راح يفقد اغلب المواضيع هيبته وحماسه مثل موضوع البصائر وهو موضوع مؤقت
وكذالك بعض الأعضاء المندفعين راح يكون كل تفكيرهم المسابقه ويهملون الأقسام الثانيه
فقلت خل نأجلها شوي يعني نص شهر لين نشوف احنا وش عليه
وتكون المسابقه دفعه معنويه لتنشيط المنتدى فالحمدلله الحين المنتدى نشيط ولكن بعد شهر ايش راح يكون ....

ثانياً : تكون مسابقه حماسيه واهل البدائع كلهم يتكلمون فيها
يعني راح تكون الاسئله او اغلب الاسئله عن المحافظه او عن رجالات المحافظه

ثالثاً: تكون مسابقه من نوع المسابقات الأطول في الوقت
بحيث أن المسابقه تكون شهريه
وكل يوم ينزل سؤال اوكل اسبوع ينزل سؤالين
على حسب الحماس

رابعاً: يكون مرصود جوائز لهذه المسابقه
مثلاً اسم الفائز يكون في مقدمة المنتدى
وكذلك لابد من الجوائز العينيه مثل قسيمة شراء من المحل الفلاني ( الصغير للعطور) بحيث يتم الأتفاق مع هذا المحل بأنه
نعطيه مبلغ وقدره 150 ريال وتكون قدر الجائزه 200ريال بشرط يشتري بالقسيمه كامله ولا يرد اي شي
واحنا كذالك سوينا له دعايه (( هناك طرق كثيره للجوائز))

وافكار كثيره كنت بكلم المسؤلين عنها مثل قسم للمواضيع المميزه ولايتم الكتابه فيه إلا من قبل المشرفين يعني المشرف هو الي ينقل الموضوع المميز فقط

لكن مابعد جت الفرصه عشان اتكلم مع المسؤلين (( ابونايف ** الباشا ابوخالد)) ولايهونون الباقين

شكراً اخوي ولد ناس على الحماس ويعطيك العافيه

[أبو طارق]

مشكوور اخوي على الاقتراح الممتاز

واتمنى من الإدارة ان تفعل هذا الاقتراح الممتاز

[أبو نايف]

سيكون هناك كثير من المسابقات

بس المسابقات يبغالها اعداد

وحنا للحين مشغولين بتأسيس المنتدى

تحياتي