محتاج رايكم في اقتراح مشروع في ((البدائع))

[(( البدائع ))]

السلام عليكم

المبلغ من خمسين الى مائة وخمسين الف وش رايكم عطوني اقتراحاتكم بالمشروع انتظر ردودكم الله يخليكم من ناحية نشاط المشروع والمكان

[العلم الوكاد]

ياهلا والله أخوي البدائع

الله يبارك لك بمالك ويطرح فيه البركة إن شاء الله

وبالنسبة للمشروع شف وانا اخوك البدائع للاسف تفتقر لمحلات ((اساسية))كثيرة غير موجودة بالديرة

يعني ان بغينا اي شئ ركبنا سيارتنا وحركنا للرس او عنيزة

يعني بالعربي الصحيح اي محل تبي تفتحه بالبدائع يبي ينجح إن شاء الله بس توكل على ربك وادرس المشروع زين واسأل اهل االخبرة اللي لهم باع طويل بها المجال

وانا اتوقع ان البدائع تحتاج للـ

(المطاعم) ...؟؟؟؟؟؟

(مشاغل نسائية)>>متلعوز من خواتي لو يبون شئ بسيط قالو ودنا للرس اوعنيزة ماعندنا شئ سنع

وهذا اللي ببالي اللحين وإن شاء الله الاخوان اللي عندهم خبرة ينفعونك

موفق إن شاء الله

[(( البدائع ))]

حلو كلامك واعجبني ممكن مطعم او مشغل هل فيه شيء في بالك غير ماذكرت لاني ماابغى استعجل اهم شيء دراسة الموضوع من جميع النواحي تحيتي لك ,

[الباشا أبوبدر]

وانا اقول إذا إدارك قويه فأقترح عليك محل غسيل السياراة
فالبدائع اغلب المغاسل الي فيها (( مش كويسه ))

وإذا تقول بشتغل بالنسبه مع العماله فأقترح عليك مغسله ثياب

والله يوفقك ويرزقك الرزق الحلال

[أبو نايف]

أعتقد ان كثير من المشاريع ممكن تنجح بالبدائع

بس مشكلة كثير من اصحاب المحلات يبغى الربح السريع

اعتقد ان الاربح يفترض ان تكون بعد سنه او سنتين

يعني اهم شي تحط في بالك انه ما تستعجل الربح

وتخطط للمشروع بطريقة صحيحة

[maar224]

أخوي البدائع على شان نقدر نفيدك نحتاج لهذه المعلومات:
1-هوايتك وميولك
2-الشهادة
3-التجارب والخبرات
4-موظف او متسبب
5-هل ظروفك تسمح للبقاء في المتجر طول اليوم أو في المساء
6-هل يعنيك العمل في شغلات نظيفة مثل~:عطور-ملابس أوعكسها مثل:مواشي-معدات-ورش

تقبل تحياتي

[(( البدائع ))]

وانا اقول إذا إدارك قويه فأقترح عليك محل غسيل السياراة
فالبدائع اغلب المغاسل الي فيها (( مش كويسه ))

وإذا تقول بشتغل بالنسبه مع العماله فأقترح عليك مغسله ثياب

والله يوفقك ويرزقك الرزق الحلال

مغسلة سيارات اقتراح حلو ولايكلف كثير اشكرك جدا

لي عودة ان شاء الله لمتابعة باقي الردود

[سلاطينو]

السلا عليكم ورحمة الله وبركاته

أخوي (( البدائع )) ترى فكرة الباشا أبو بدر ممتازه وغير مكلفه ومع كذا مربحه

وإذا ما جازت لك ترى عندي لك مشروع حوله اللي هو

صاله رياضية (بلياردو - تنس - بلاي ستيشن ) ومن هالنوعية لقلة المحلات في البدائع والدليل رح شف الصالات اللي بعنيزه والرس أكثرهم من البدائع

وتقبل مروري

أخوكـ / سلاطي ـــنو
أبو ريوف

[(( البدائع ))]

أعتقد ان كثير من المشاريع ممكن تنجح بالبدائع

بس مشكلة كثير من اصحاب المحلات يبغى الربح السريع

اعتقد ان الاربح يفترض ان تكون بعد سنه او سنتين

يعني اهم شي تحط في بالك انه ما تستعجل الربح

وتخطط للمشروع بطريقة صحيحة

اتفق معك اخي الكريم في كل ماقلت وهذا ماسافعله بمشيئة الله

لكن ما ابحث عنه الآن نوع النشاط ومكانه فأنا لاأملك الخبرة الكافية في ذلك واتمنى من الجميع ابداء الرأي

[(( البدائع ))]

أخوي البدائع على شان نقدر نفيدك نحتاج لهذه المعلومات:
1-هوايتك وميولك
2-الشهادة
3-التجارب والخبرات
4-موظف او متسبب
5-هل ظروفك تسمح للبقاء في المتجر طول اليوم أو في المساء
6-هل يعنيك العمل في شغلات نظيفة مثل~:عطور-ملابس أوعكسها مثل:مواشي-معدات-ورش

تقبل تحياتي


الهواية والميول مافيه شيء معين اقدر اقولك اني اهواه واميل له يمكن هواية السفر
الشهادة بكالوريس مثل ها لعالم وموظف وما اقدر اتابع المحل الا بعد العصر

ما اريد هو مشروع مناسب في مكان مناسب ولايهم اذا كان المشروع مناسب لي
اهم شيء يناسب الناس ويكون مكانه ممتاز

تقبل تحيتي وانتظر اقتراحاتك

[(( البدائع ))]

السلا عليكم ورحمة الله وبركاته

أخوي (( البدائع )) ترى فكرة الباشا أبو بدر ممتازه وغير مكلفه ومع كذا مربحه

وإذا ما جازت لك ترى عندي لك مشروع حوله اللي هو

صاله رياضية (بلياردو - تنس - بلاي ستيشن ) ومن هالنوعية لقلة المحلات في البدائع والدليل رح شف الصالات اللي بعنيزه والرس أكثرهم من البدائع

وتقبل مروري

أخوكـ / سلاطي ـــنو
أبو ريوف

بالعكس فكرة رهيبة وتحتاج تفكير اكثر
اما مشروع الصالة الرياضية ماعندي خلفية عنه ابد
تقبل تحيتي

[المتابع]

انا عندي اقتراح مادري يناسبك ولا لا بس اجد انه اريح من المحلات ووجع الراس لانني اعتقد ان المحل التجاري لا يكون مربح الا اذا كا ن محل ضخم وفي مدينه كبيره ماطول عليك

الاقتراح هو مزرعه يعني لو تجد مزرعه ايجارها مناسب وفيها ماء وفير تزرع فيها كل انواع الخضار هذا مشروع منتج واسعار الخضار في ارتفاع

[(( البدائع ))]

انا عندي اقتراح مادري يناسبك ولا لا بس اجد انه اريح من المحلات ووجع الراس لانني اعتقد ان المحل التجاري لا يكون مربح الا اذا كا ن محل ضخم وفي مدينه كبيره ماطول عليك

الاقتراح هو مزرعه يعني لو تجد مزرعه ايجارها مناسب وفيها ماء وفير تزرع فيها كل انواع الخضار هذا مشروع منتج واسعار الخضار في ارتفاع


تظل وجهة نظر اخي الكريم واحترمها وقد تناسب غيري

لازلت انتظر المزيدمن الإقتراحات من ابناء ديرتي الاعزاء

[maar224]

اخوي اقتراحاتي المناسبة لرأس المال الذي ذكرت وبعد اجابتك الدقلوماسية على أسئلتي هي:
1-محل متخصص للأنارة والكهرباء(لنبات.ثريات.ترنسات.وكوالين كهرب .وغيره
2-ثلاجة (يباع فيها كل شي مجمد)
3-محل خاص ببيع المسامير بأنواعها(ميزته مابه سجل اواسمي شايفك او امرك بعدين)
4-فيه شركة اسمه(فناتير)متخصصة بالتعليم المبكر والعاب الذكاء وغيره (ميزته ماله فرع بالقصيم ممكن تتفق معهم تاخذ وكالته)بس صراحة يصلح المحل بعنيزة
5-محل مثل أضواء البدائع او اللي جنب دينار اشوفهم قبل مزحومين

يمكنني استخدمت التوضيح الممل لكنك قايل خبرتي صفر


وتقبل تحيات

[عبادي القصيم]

والله أشوف كثر من الأقتراحات قريتها من ردود الشباب والله مجتهدين ولكل مجتهد نصيب

أنا عندي أقتراح إذا قريته راح يدخل في راسك تفاكير كثيره بس ترا المشروع يبغى إعلان

بالجوامع وراح إن شاء الله تشاهد أزدحام كبير في المشروع وهو :

محل تركيب وتغيير زجاج السيارات وهذا ما نفتقده بالمحافظه

ما عيك سوى ان تذهب إلا مصانع الزجاج وتتفق معهم وأعتقد أن المشروع لا يأخذ مبلغ

كبير وأهم حاجه أن يكون في مكان ما في المنطقه الصناعيه وأهم من ذلك الموقع

ربي يوفقك يا البدائع وإن شاء الله يرزقك المشروع الزين اللي تكسب منه الرزق الحلال

اللهم أمييييييين

[علي الدهامي]

اخي الكريم ..
أعتقد ان هناك شيئان نفتقدمهما الان:
و اذا اردت اقتراحي فهو ان تتوكل على الله وتشتري سيارتين ( ثلاجات ) لنقل الخضار من البدائع الى الرياض .. يوميا .. على ان تتفق مع احد المحلات في مدينة الرياض ( و صدقني باذن الله فان ارباحك ستصل الى الدبل ) .. و بعدها تستطيع التوسع من خلال شراء السيارات بالايجار المنتهي بالتمليك .. و للمزيد يكنك مراسلتي على الخاص ..

[(( البدائع ))]

اخوي اقتراحاتي المناسبة لرأس المال الذي ذكرت وبعد اجابتك الدقلوماسية على أسئلتي هي:
1-محل متخصص للأنارة والكهرباء(لنبات.ثريات.ترنسات.وكوالين كهرب .وغيره
2-ثلاجة (يباع فيها كل شي مجمد)
3-محل خاص ببيع المسامير بأنواعها(ميزته مابه سجل اواسمي شايفك او امرك بعدين)
4-فيه شركة اسمه(فناتير)متخصصة بالتعليم المبكر والعاب الذكاء وغيره (ميزته ماله فرع بالقصيم ممكن تتفق معهم تاخذ وكالته)بس صراحة يصلح المحل بعنيزة
5-محل مثل أضواء البدائع او اللي جنب دينار اشوفهم قبل مزحومين

يمكنني استخدمت التوضيح الممل لكنك قايل خبرتي صفر


وتقبل تحيات

كل اقتراح احسن من الثاني ماشاء الله عليك الصراحة الواحد يحتار وش يختار ماقصرت ياغالي

[(( البدائع ))]

والله أشوف كثر من الأقتراحات قريتها من ردود الشباب والله مجتهدين ولكل مجتهد نصيب

أنا عندي أقتراح إذا قريته راح يدخل في راسك تفاكير كثيره بس ترا المشروع يبغى إعلان

بالجوامع وراح إن شاء الله تشاهد أزدحام كبير في المشروع وهو :

محل تركيب وتغيير زجاج السيارات وهذا ما نفتقده بالمحافظه

ما عيك سوى ان تذهب إلا مصانع الزجاج وتتفق معهم وأعتقد أن المشروع لا يأخذ مبلغ

كبير وأهم حاجه أن يكون في مكان ما في المنطقه الصناعيه وأهم من ذلك الموقع

ربي يوفقك يا البدائع وإن شاء الله يرزقك المشروع الزين اللي تكسب منه الرزق الحلال

اللهم أمييييييين

والله انك صادق صدق لاقالو ماخاب من استشار الله يرزقك من وافر خيره

[أبو صقر]

مع اخترامي لكل الاقتراحات اللي سبقت فاعتقد ان العلم الوكاد اقرب واحد لتفكيري.

مع اني ارى المشغل يبي راس مال ومشاكله واجد وموسمي .

والباشا ابوبدر يقول مغسله سيارات اشوف انه مشروع ناجح بحس يبي موقع وخدمه.واقترح مغسله ملابس .
مغسله الملابس مشروع فاشل .
ليش.
في كل شارع بالبدائع تلقى مغسلتين ثلاث.

الصالات البلياردو والتنس يبي بولينج ونت وكفي و و و و غيره وراس مالك مايتعدى 150 الف .

بالنسبه لمحل قزاز السياره . حلو لاكن كم سياره يبي يجيك باليوم . وكم ربحك من القزازه الوحده. يعني خسران قبل تفتح.

انا اتوقع اللي ينجح وتكفيه قروشك بوفيه 24 ساعه يكون مرتب ونظيف بس يبيله موقع

والرازق الله..

[**عاشق النون**]

اخوي


انا مازيد على كلام اخوي العلم الوكاد ولا حرف



وبالتوفيق

[(( البدائع ))]

اخي الكريم ..
أعتقد ان هناك شيئان نفتقدمهما الان:
و اذا اردت اقتراحي فهو ان تتوكل على الله وتشتري سيارتين ( ثلاجات ) لنقل الخضار من البدائع الى الرياض .. يوميا .. على ان تتفق مع احد المحلات في مدينة الرياض ( و صدقني باذن الله فان ارباحك ستصل الى الدبل ) .. و بعدها تستطيع التوسع من خلال شراء السيارات بالايجار المنتهي بالتمليك .. و للمزيد يكنك مراسلتي على الخاص ..

اشكرك يااستاذ علي اقتراح رائع وجميل بس عاد يبي له تفكييييييييييير طويل ودراسة السلبيات والايجابيات
وبصراحة لازم يكون فيه شريك ماادري احس ان ها لمشروع يا بيرفعك فوق يا يبي يمسطك تحت والموفق الله

[(( البدائع ))]

مع اخترامي لكل الاقتراحات اللي سبقت فاعتقد ان العلم الوكاد اقرب واحد لتفكيري.

مع اني ارى المشغل يبي راس مال ومشاكله واجد وموسمي .

والباشا ابوبدر يقول مغسله سيارات اشوف انه مشروع ناجح بحس يبي موقع وخدمه.واقترح مغسله ملابس .
مغسله الملابس مشروع فاشل .
ليش.
في كل شارع بالبدائع تلقى مغسلتين ثلاث.

الصالات البلياردو والتنس يبي بولينج ونت وكفي و و و و غيره وراس مالك مايتعدى 150 الف .

بالنسبه لمحل قزاز السياره . حلو لاكن كم سياره يبي يجيك باليوم . وكم ربحك من القزازه الوحده. يعني خسران قبل تفتح.

انا اتوقع اللي ينجح وتكفيه قروشك بوفيه 24 ساعه يكون مرتب ونظيف بس يبيله موقع


والرازق الله..


اما سالفة البوفية هذي حلوة ومفكر فيها تفكير جدي بس اللي محيرني شوي الموقع المناسب ونوعية العمالة

سلمت يمينك يا ابوصقر ...............

[#قصيمي#]

هلا ...أخوي ..,


أجل قلت تبي مشروع ..,,


المشروووع ..,

محل يكون فيه بلياردو وبلستيشن ونت وكفي وخذ المكاسب .., ..,


أتوقع أرباحه خياليه


ولو تبي أدير لك المحل ماعندي مانع .,:biggrin:

<<<<< تراي ما عندي خبره في المحلات :90:

تحيااااااااااااتي .
:*:
.

[الباشا أبو خالد]

(( كل شي فيه للحريم فهو مربح ))



هذا بإختصار شديد ..

وأقولك محل اكسسوارات نسائيه .. ترى ماعندنا بالديرة .. مع التحية

[فتى العشة]

السلام عليكم ورحمة الله وبركاته

اخوي البدائع اذا كنت ترغب في فتح محل بوفية تشتغل اربع وعشرين ساعة انا كلمني عامل لا تخاف مهب بنقالي يبي نقل كفالة هو وثلاث عما ل والباقي هو يجهزة من محل وغيرة وش رايك
وإذا دخل المشروع براسك كلمني وبشر بعزك .
شـكــ وبارك الله فيك ـــرا لك ... لك مني أجمل تحية .

[أبو صقر]

ياخيي لايقربونك الاتراك والبنقاليه

تراهم اوصخ من خلق الله .

وبالنسبه للموقع شف الطريق العام .

مابين مغسله السروات وعماره التاج موقع حلو.

والله يرزقك.

[بدر العرافه]

لكل مجتهد نصيب ...توكل على الله

[(( البدائع ))]

الف شكر لكم وابشركم المشروع سيرى النور قريبا ان شاء الله

[بنت امي وابوي]

بما انــي بنت راح ماراح اتفـلسف عليك ولـكن راح ابدي مـيولي لوجود مشـغل كبـير

في محافظة البدايـع ويكـون مخـتص في جـميع الاشــياء لأنــنا بكل صراحه نفـتقد المشـغل

النـظيف والعـاملات المخـتصات بهذا الشـأن لانـي بـكل صراحه عن نفـسي وعـن كـثير من البنـات نـذهب

اسـبوعيا الى عـنيزه لوجود مـشاغل نـظيفه وشــغل نـظيف وعـامـلات مخـتصات ومن جـنسيات مخـتلفه كلن

حـسب عـمله ..!!



اذى حبيـت الاسـتفسـار اكـثر انـا موجـوده ..:biggrin: