لغزياهل المنتدى

[الريفي]

أنشدك عن عَودٍ على متن عذرا ****يقبل ويقفـي والمعلـم يديـره
اذا مشى يمشي ولوكان غـدرا ****ومن بينهم تلقى السوالف كثيره

[ابونايف1]

هلا والله اخوي الريفي
وصح لسانك وتسلم
وش رايك بالراس حق الطابعه,,هذاك اللي رايح جاي...
الله الله وهو راعي سويليفات لانه يكتب ,,
تكفى ارحم بقولة مالك لوا,,,
قل مثلا ..
مالك معاذ ,,,, مالك حق ,,, مالك دخل,,,, قصدي مالك.... افهمها يابونايف1 ههههههههههههههههههه

احيييييك شلقه اخويي الريفي

[رميزان]

صح لسانك وش رايك بالرشاء والمحاله

[خيال العرجا]

صح لسانك أخوي الريفي
لكن وش رايك بسير السيارة والبكرات



معي علم ابقولها عنك مالي لوا



علشان ما انصدم

[الريفي]

ابو نايف مرحبن الف والله يحييك

مارايح اقولك مالك لوا ولاكن اقولك ( حاول مره ثانيه )

[الريفي]

رميزان حياك ربي

ماعليش دورغيره

[الريفي]

خيال العرجا
نعم قلته ميحتاج نعبد

[ابونايف1]

طيب ,,, يقول شايب عندي قل له,,وش رايك بالراس حق البكم اللي فوق الاسطوانه ,,الله يعظم اجره على هالرمعه...
وفيه واحد ثاني يقول الشريط الاخباري على الشاشه,,,, او التشاة
خذ راحتك بالرد ترى الجلد استملس ههههههههههههههههــ
تقبل تحياااااااااااتي

[خيال العرجا]

وش رايك بالكفر والقماشات والفحمات ------- من الصدام الى الصدام ههههههههههههه

[الريفي]

ابونايف الله لايهينك قل لشايبك لاعاد يرمع مثل هرمعات .

وقل للواحد الثاني ماله لوا .

وانت يابونايف لاتجيب رمعات شيبان أو اخوياك كلهم شيبان

وعلى فكره الغز هذا قريب من الشيبان .

[الريفي]

خيال العرجا مالك لوا وحاول مره ثانيه

[ابن جلال]

الريقي وشرايك في

القوس والربابه

[ابـــــــــSTARTـــــــدأ]

وش رايك بالرحى ؟؟؟

[الفضي]

صح لسانك على الغز يالريفي
وانا اتوقع انه البكم الى هو الأسطوانات القديمه ومادري اسمه صح والا لا ,,,,

[قرناس]

السلام عليكم جميعاً


الله يعطيك العافيه اخوي / الريفي

على هذا اللغز


وانا رمعتي ( الرشا والمكره )


وتراه مستملس ن الجلد ومتعود على قولت مالك , الا على طاري المال و القروش بنك الانماء يبي


يفتح فرع بالبدائع .








.

[الريفي]

حياكم الله جميعآ وأشكركم على المرور والرمعات الجميله

ونقولكم مالكم لوا حاولو مره ثانيه .

[عناد]

اخوي الريفي صح لسانك مرماعي هو ( سلك الرادو او المؤشر حق الرادو )

[ابن جلال]

اخوي يالريفي

انا اتوقع ان حلي ورمعتي صح اللي هو ((القوس والربابه))

ارجوا ان تعيد النظر في رمعتي لأني متأكد مليون بالميه

وفي الاخير انت وماتورى

[خيال العرجا]

هالمرة شكلي طبيت على الحل ولا أحد سمى علي هذا الله يسلمك أخوي الريفي =





طاحونة القهوة القديمة المثبتة على الوجار







هاه صح لساني ولا مثل العادة

[الريفي]

ياخيال العرجا

مالك لوا

[قماع]

السلام عليكم ياهل الديوانية

أنا مسجل مخصوص علشان أحل لغز الريفي

[قماع]

وش رايك بشريط المسجل والمكرة

[قماع]

ماصارت الرمعة له يومين ماحد رد

أكيد مالي لوا

أروح أحل لغز أبو نايف:*::*:

[الريفي]

قماع حياك الله في منتدا الربع مرحبن الف

واذاكنت مسجل علاشان الغز اشكرك غلى حرصك واهتمامك

ولاكن ياسفا على الرمعه ملك لوا

[عناد]

اخوي الريفي ما أدري المرماع ماجازلك ولا مستحي تقولي مالك لوى (مرماعي له يومين ما رديت عليه )

[الريفي]

المعذره يعناد معليش لمراشوف مرماعك

وعزالله انك فضخت راسه
لوالله صحيج نعم مؤشر الرادو ( الخيط )

الله يجزاك خير .

[قماع]

صح لسانك ياعناد وصح لسان راعي اللغز


بس ودي أدري وش معنى ( ولوكان غدراا )

[عناد]

صح بدنك يا الريفي والحقيقه الغز مليان إلى راسه وبعد إذنك يا اخوي الريفي ودي اقول لأخوي قماع إن


الغدرى تطلق على شدة الظلمه هذا حسب عرفي ويقولون ليله غدرى أي ليله مظلمه مابه قمر

[ابن جلال]

أنا أقول خطأ خطأ يالريفي أنت وعناد

حل اللغز

هو

القوس والربابه

وأنا أراهنكم على أي شيء تشترط إذا ماكان القوس والربابه هو الحل

أخوي يالريفي

أما جب اللغز وأنت تعرف حله ولا أتركه للي يعرفه وارجوا منك أن تعيد معلوماتك وراح تلقى إنك ارتكبت خطأ

واذا ماكنت تعرف ارجوا ماتقلب المعاني

لانها آداب فكريه ومايجوز التعدي على معانيها وتؤيلها

والألغاز هذه موروث شعبي لابد من الحفاظ عليه والتمسك بآدابه

أنا مستغرب من اللي قاعد يصير في منتدى كبير ومحترم زي هالمنتدى

ارجوا أن يتسع صدرك يالريفي لنقدي

وشكراً

[الريفي]

السلام عليكم
حياكم الله جميعا
أخي قماع تسأل عن ( ولوكان غدرا ) يعني أنت تحرك خيط الراديو ودأمآ الخيط ينفرط أي يمعنا ينفلت من الشاشة

ابن جلال أشكرك على الرد الجميل والأسلوب المرن والرائع أنت تقول :
أما جب اللغز وأنت تعرف حله ولا أتركه للي يعرفه وارجوا منك أن تعيد معلوماتك وراح تلقى إنك ارتكبت خطأ
لاياخي ليس قوس الربا به والربا به أنت اقرأ الغز جيد
ويقول الغز ==== أنشدك عن عود على متن عذراء (العود خيط الراديو والعذراء شاشات الراديو)
يقبل وقفي والمعلم يدره (يعني اختيار الموجات )
إذا يمشي ولوكان غدرا ( أي دائم ينفلت الخيط ولا يتحرك بعده)
ومن بينهم تلقاء السوالف كثيرة ( اللاذعات بأختلافهاء )
وقولك لايجوز التعدي على الغز وأنا أمعرف الحل أنت على مايبدو انك متفهم شي بلقصيدوالشعر وغيره ولأكن هرجن على غير النشا ماء غثاء بال

وإذا كنت تفهم في المعاني ابعطيك لغز وحاله وفسر معانيه .

[وش حليقة في صلنقط
مايلقطها لاقط النقط
حق عاج وحق مرخ
وإن معرفته فتت فرخ

[ابن جلال]

أنت على مايبدو انك متفهم شي بلقصيدوالشعر وغيره ولأكن هرجن على غير النشا ماء غثاء بال



أنا أعتقد أن ردودي عليك في حدود الآداب وأنت هنا تقل أدبك لذلك لن أنزل نفسي لمستوى أقل من أن أعيره أهتمامي

وبالنسبه لهرج على غير النشاما غثا بال (( أنا اتمنى لو أعرف منهو أنت وتعرف من أنا حتى تنعدل الكفه ويعرف النشمي من السفله ))

يالريفي حنا كلنا نشاما وكلنا نقول ونطول وأفعالنا تشهد ومايحتاج نهذر ونتهبلق على خلق الله

أنا اتمنى اتمنى إنك تحترم المنتدى اللي أنت فيه وتحترم الأعضاء حتى تجد ما يرضيك من الإحترام

يالريفي هنا منتدى واجهه لأهالي البدائع يعني لابد أن يظهر بالمظهر اللائق الذييشرف أهالي البدائع

وإذا كنت من محبي الثرثره والهبلقه والمشاكسات أنا انصحك أنتتجه لرومات الشات والبالتوك والماسنجر والفيس بوك ،،، وأنا أجزم أنك راح تبدع فيها


نرجع للغز

أنشدك عن عود على متن عذراء== يقصد بالعود هو نوعية الماده التي صنع منها وهي أعواد الخيزران التي تستخدم أقواس للربابه ،،
ويقصد الشاعر في قوله على متن عذرا == أي موضع القوس دائماً مايكون معلقاً في جهة واحد من الربابه ويكون معلقاً على متنها ((وعليك بتخيل شكل القوس على الربابه ))

أما قول الشاعر
يقبل وقفي والمعلم يدره ==يقصد بها الشاعر حركة القوس والتي هي إلى الأمام ثم إلى الخلف ولكن بحركة قد تكون سريعة احياناً وأحياناً بطيئه
ويقصد الشاعر في قوله
والمعلم يديره ==أي العازف هو الذي يدير هذه العملية بسابق خبره
وقوله
إذا مشى يمشي ولوكان غدرا ==يقصد به هنا أي أن عزف الربابه وألحانها لا تخنلف في الليل عنها بالنهار حركتها واحده ولحنها واحد
وفي قوله
ومن بينهم تلقاء السوالف كثيرة ==أي مابين حركة القوس وسبيب الربابه يأتي دور العازف فتجده يتغنى بالأشعار وحسبك بالأشعار حاصياً أي أنه يستطيع أن يعزف على الربابه وأنغامه أشعار لا تحصى

اتمنى أن أكون قد وفقت في أيصال المعلومه




في الختام

اتمنى من الإداره أن تضع حد لمن يتمادى ويقل أدبه

[الريفي]

الله يجزاك خير الى حطيت الخطاء على وانت الذي اسلوبك اسلوب رائع جدآ نعم انا جديد على المنتداء
علمآ اني مدعو من احد الآعضاء واذاكان قل ادبي فانا اسف نعم فيجب ان اوقف عند حدي

والغز وضعته في عدة مواقع وهي (( منتداء الهيلا---- ومنتدا العجمان __ ومنتدى العوازم _ومنتدى شمر )) علمن باب الغز انحل عدة مرات .

واخيرآ تاتي وتقول مأفهم في الالغاز

ولاكن جزاك الله خير واسف ثم اسف