تكفى ياموت زرني ((صوتيه)) هديتي الاولى

[شاعر حزن]

بسم الله الرحمن الرحيم
مشرفو واعضاء ديوانية البدائع
شرفني وسرني الانضمام لهذا الموقع
والدعوه العزيزه من الاخ العزيز ياسر
املا ان يكون تواجدي مفيدا لي ولكم
وهذه مشاركتي الاولى اضعها بين ايديكم
املا ان تروق لها مسامعكم

اســـــموعوها بالنقر على الرابط
http://www.dwaihi.com/poem1/38mimony3.ram

خلي هجرني تكفى يامـوت زرنـي
وان ماقدرت دلني مكانك وانا اجيـك

مابـي حياتـي دام خلـي هجـــــرنـي
مابي حياتـي دامـه يقـول مابيــــــك

يدري بظلم الناس يـدري وظلمنـي
واكد كلام اللـي يقولـون ناســـيـك

لكـن قبـل لاتاخــــــــذ الـروح منـي
باسأل حبيبي كم سـؤال واخاويـك

وشلـون قلبـك ياحبيبـــــي تركنـي
وتد ري بخفوقي كم له سنين هاويك

وماتدري بعـادك وصـــدك ذبحنـي
وما تدري عن دمع نثرته وانا ارجيك

اسال جميع الناس وش صار عنـي
اسال وش اللي صار في حال مغليك

لوعلموك وش كثر همـي وحزنـي
من يوم حبي انتهى وصار ماضيـك

لو علموك عــــن قلبـي اللـي يونـي
مطعون يصـرخ يــــشتكيلـك يناديـك

لو عاش عاقل عيشتي كـان جنـي
حالي لو تشوفـه بعيونـك يبكيـك

صار الحزن هو لعبتي صـار فنـي
ابكي نـدم والله الـى حـل طاريـك

ضيقت صدر ويا الهمـوم اسكنتنـي
احكي واكمـل ولا ماقلـت يكفيـك

اللي سمعتـه بسبتـك انـت جتنـي
عطيتني كرهك وانا الحـب معطيـك

ضاعت سنيني وانـا بالحـب أبنـي
قصوور وانهدت سبب فعلت ايديـك

جاك الوفا والحـب والعشـق منـي
حتى الوله والشوق والصدق معطيك

قلبي وفالك وانـت قلبـك خــــدعنـي
خدعت قلب كـان بالحـب شاريـك

بكذب وخيانه وغدر قلبـك حضنـي
في وقت قلبي فيه يسهـر يداريـــك

ماكنت أظن قصـدك بحبـك تذلنـي
ذليتني من بعـد مامـت انـا فيـك

هذي حقيقة بعـض مامنـك جتنـي
وبعض اللذي اسقيتني انت با ايديـك

ماكنت ساكت خايـف بـس لانـي
ميت بحبك ما أقدر ازعلك واشقيـك

حرّمت اقولك من محبتـك عطنـي
مادام غيري في محبتـه مرضيـك

ببعـد بعيـد واوعـدك مـا احـــــنـي
ابشر اببعـد ومـع حبيبـك بخــــــليـك

خلصت هرجي الحين ياموت خذنـي
تاركلـك الدنيـا بـــــهـا الله يـــهنـيـك

واذا سأل في يوم انا انسـان عنـي
قله توفى والسبـب طعـن بيديـك



الشاعر
سعد بن جزاء الميموني
شاعر حزن