** كيف استقبلت البدائع عامها الجديد ؟؟ >>> صور

[مباري الساس]

هالموضوع نزلته بمنتدى أخر اول السنة الهجرية .. ونقلته لكم لقربكم من الحدث ..

اخليكم مع الموضوع

كل عام وانتم بخير .. اكيد تبي تعرفون كيف استقبلت البدايع العام الجديد ؟؟





الحقيقية كانت فكرة الموضوع من الأصل برسالة جتني على الجوال يقول فيها المرسل :






البدائع تستقبل العام الجديد بمزيل الشعر ( نير ) مزيداً من النعومة يابدائع !!




طبعا يبي يستغربون اللي مهب بالبدايع وش سالفة هالنير ؟؟


هذي الله يسلمكم بلدية البدايع حبّت تنعم أهاليها وتدخل بهم الى عصر العولمة والتطور





فوضعت اعلانات مزيل الشعر ( نير ) على مواصير الكهرب !!


وهذي صور من الاعلانات اللي بالشارع العام التقطتها لأستشهد بها ..


http://www.alsoghayer.com/vb/uploader/173/1204406374.jpg


http://www.alsoghayer.com/vb/uploader/173/1204406412.gif



وبعدها بيومين جتني رسالة ثانية ابيات لواحد يقال له ( ابو دحيم ) يتشره على اهل البدايع مضمونها ..




شاعر ساءه منظرلوحات نير المتناثرة في قلب بدائعنا الغراء فأنشأ قائلاً ..







ياأهل البدايع يالرجال المناعير
ياللي لكم بالطيب نور وشعاعي


مريت انا من عندكم تالي عصير
وشفت الذي ماله بالإعلان داعي


لاحظت انا اللوحات صفّت طوابير
وسط الدروب الطايلات الوساعي


النير دوك النير ياشاري النير
ياللي تبي تمسح طريق زراعي


اللي تعبتم فيه بذرن وتشجير
يبي يجيه من الدهور اقتلاعي


ياأهل البدايع يالرجال المناعير
حطوا بدال النير ( قشطة مراعي )







بعدها هاضت المشاعر وفاضت قريحة الشعراء فقام واحد منهم ورد عليه يقول :




يالطيب اللي جايبتك المشاوير
او جيتنا دعوة على صوت داعي


لاجيت يم ديارنا اذكر الخير
وهرج الكذب والنقص ماله دواعي


هرجك غريب وماله اليوم تفسير
الا الحسد والحقد وزود الوجاعي


اهل البدايع مابهم اي تقصير
اهل المراجل مشبعين الجياعي


والنير كانك صدق ماتعرف النير
فـ إنشد مرتك ام العيون الوساعي


شي مخصص للبنات الغنادير
اهل الدلع والغنج وزين الطباعي


عشاقهن تاقف لهن بالطوابير
واللي لهن يسوى ( صنوف المراعي )



صح لسانه والله .. وهذي الصور ان دلت على شي فإنما تدل على التفتح والدميقراطية والتي نعيشها تحت مظلة خادم الحرمين الشريفين بابا عبدالله

( ابوك يالتصريفة )

اتمنى ان يحوز الموضوع على اعجابكم .. وآسف على الاطالة ..

[الباشا أبوبدر]

والله منت سهل يالنمس على هالتقرير

تبي الصراحه على كثر سفراتي إلا أني ماشفت دعايات مثل البدائع إلا بالمدن الكبار

مثل (( جنيف && سويسرا && ,,,,,,))

مايحتاج اكمل

وبالسعوديه الحبيبه ماشفته إلا بالرياض والمدينه المنوره والدمام والخبر

يعني إذا البدائع تنافس هالمدن على التقدم والحضار ه فياهنيالنا فيها وفي رجالها <<< احم احم

بس ما أقول إلا :.

وانت تعرف يابعدي من تواجه
بيضان الأفعال إلي من الزمن سمر
إن ضاقو اعنف من البحر ومن امواجه
وان راقو اركد من الخرمان إلي عمر

كم بدائعي تكفي فلت حجاجه
شلون لضيف لو عن ساعده شمر
وإن مر تاريخهم متلبس تاجه
كم عاشق كيف وكم حاسد زمر

ادخل على الي تطوف البيت حجاجه
من ناقص عند مدح الغير يتذمر
والمدح لو كان فالرديان لصاجه
ويقال عمر بلد بالعون ماعمر
والذم لو زاد بالطيب تو لاجه
لا احرق ولا اغرق ولا عمر ولا دمر

وتقبل مروري يالغالي


ننتظر جديدك بلهفه وإشتياق

[أبو نايف]

تقرير جميل اخوي مباري الساس

بس صدقني السالفه عاديه والناس كبروها

ــــــــــــــــــــــــــــ

اعجبتني الابيات التي كتبها اخوي ابو بدر

وانت تعرف يابعدي من تواجه
بيضان الأفعال إلي من الزمن سمر
إن ضاقو اعنف من البحر ومن امواجه
وان راقو اركد من الخرمان إلي عمر

كم بدائعي تكفي فلت حجاجه
شلون لضيف لو عن ساعده شمر
وإن مر تاريخهم متلبس تاجه
كم عاشق كيف وكم حاسد زمر

ادخل على الي تطوف البيت حجاجه
من ناقص عند مدح الغير يتذمر
والمدح لو كان فالرديان لصاجه
ويقال عمر بلد بالعون ماعمر
والذم لو زاد بالطيب تو لاجه
لا احرق ولا اغرق ولا عمر ولا دمر


تحياتي

[شخصيــــ مهمة ــــــــة]

مشكووووووور أخووووووووووووي .. تقرير موثق بالصوررر ههههه ...



شخصيــــ مهمة ــــة


معاً لرقي المنتدى

[جاري البحث عن اسم]

http://up.7cc.com/upfiles/UlT62570.gif

[مباري الساس]

والله منت سهل يالنمس على هالتقرير

تبي الصراحه على كثر سفراتي إلا أني ماشفت دعايات مثل البدائع إلا بالمدن الكبار

مثل (( جنيف && سويسرا && ,,,,,,))




ايه يحق لك ( الله لنا ) يابو بدر ( جنيف وسويسرا وحركات ) ولاتعلمنا نخاويك ولا شي !!

وحنا متحمطين هنا حدنا الرس والا عنيزة وان خربناها وصلنا مكة والا المدينة !!


زاد الموضوع نو بمرورك وأبياتك المذهلة !!


عواااااااافي لك ..

[مباري الساس]

تقرير جميل اخوي مباري الساس

بس صدقني السالفه عاديه والناس كبروها
]


تسلم ايدينك يابو نايف .. ومرورك الأجمل ..

وانت صاز والله يابو نايف .. هي ماتستاهل كل هاللجلجة ..

[مباري الساس]

مشكووووووور أخووووووووووووي .. تقرير موثق بالصوررر ههههه ...



[][/u][/b]


والشكر موصول لك يامهمة ..

[مباري الساس]

http://up.7cc.com/upfiles/UlT62570.gif

يعافيك ربي ياخوي ..

مرورك جميل ولو علقت على الموضوع ولو بسطر لكان أجمل ..

تقبل تحياتي ..

[ramat]

يازين النعومه وازين منه البدائع ولو يدرون اللي كتبوا كم دخلت اعلانات النير للبلديه كان ماكتبوا

[محب الخير]

من العنوان توقعت هذا الموضوع ...
أقول الفاضي يعمل ........

تحياتي لكاتب الموضوع لطرحه الدبلوماسي ....

[3zoz]

يعطيك العافيه أخوي : مباري

[البرنس]

الصراحه البدائع صارت مشهوره بعد النير بس بالشماته

الله يعطيك العافيه اخوي