قصيدة اعجبتني .... الشاعر / خلف المشعان

[قرناس]

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه
ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه
ورجلٍ .. بليّا ما توصيـه .. كـزه
من لا فرش .. للمرجله .. ماتغطيـه
ومن لايخز .. الناس .. محدٍ يخـزه
ان كنت تعرفني فهي .. عرفة وجيه
مو شرط لك بالقلب قدر .. ومعـزه

[مباري الساس]

ورجلٍ .. قبل ماتلتقي بـه .. تعـزه






هذا انت ياقرناس ..

يعلم الله اننا نحبك ونعزك قبل مانلتقي فيك ..


صح لسان الشاعر ..

قصيدة يقتبس الجمال روعته و جماله من جمالها ..

( جمل الله حالك )

[قرناس]

هذا انت ياقرناس ..

يعلم الله اننا نحبك ونعزك قبل مانلتقي فيك ..


صح لسان الشاعر ..

قصيدة يقتبس الجمال روعته و جماله من جمالها ..

( جمل الله حالك )



الله يعزك .. وهذا من حسن ذاتك ...................

وشكراً على هذا الشعور..


واتمنى ان اكون عند حسن الظن فيني .

[خيال العرجا]

رجعنا على طير ياللي ماصدقنا ننسى

[أبو نايف]

الله لا يهينك على هالقصيده

وصح لسان الشاعر

قصيده كل بيت فيها قصيده لحاله

يعطيك العافيه اخوي قرناس

ولا تتركنا من هالقصايد الروعه

تحياتي

[قرناس]

شكراً لك / ابونايف

واعذروني لعم اخراجها بالشكل الافضل , وذلك لقلة خبرتي ..