خيال العرجا
03-21-2008, 02:06 AM
أنا البارحة يوم ان العرب راقدين عافت النوم عيني من هاجوس لجا
وسط قلبي لجا وزاد الهم همين بس أطالع نجوم الليل وسط الدجا
سهرنا وليتنا من سهرنا سالمين من النوم صرت أنا بين الياس والرجا
واصبح الصبح ماذقت نوم المسلمين وقبل نور الشمس عديت روس الحجا
ياحمام ياللي سجعت بنوح الحنين جاوب النوح قلبي يوم له تزعجا
ذكرت اللي مضى لي مع سيد المزايين فيه وصف من وصفك ومشيك لدرجا(
أبو قذلة(ن) مقترنة(ن) بالحجاجين وله عين(ن)مثل عين المها وادعجا
وله عنق(ن)مثل عنق فرخ الشياهين والخشم سلة السبف ولا فيه اعوجا
وله ثمان ارهاف(ن)كما اللولو صفين ومبسم حمر واليا ضحك فيه اغنجا
مبسمه كما الخاتم مرسوم الشفاتين يسيل العسل من السانه كل ماهرجا
رمشها ريش النعامة ضافي على العين من تصيبه سهوم عيونها ما نجا
لاسلهم بعينه مثل طعن السكاكين وله غرة(ن) تذبح ليا من ابلجا
بياض اخدودها من ورى الشيلة يبين ورمش الغضي لمعاليق القلب ازلجا
زول ريمية(ن)ترعى السهل والبطين تجفل من الهوى والخوف له منهجا
جمع كل زين(ن)بالبنات الملاوين حاير اللون ولكن نجدي المنتجا
بالله ياطير ياخفاق الجناحين من عالي المواكر بين سلمى وأجا
ليا من نويت الحوم دوك العناوين سلم لي على راعي الوجه الأبهجا
وانا بانتظر واصبر لحد ماتعودين وعجلي بالخبر لجل الصدر يثلجا
وجدي وجد من صكوا عليه الدياين وصار مسجون للدين ولابه مخرجا
ليامن طرى تعوذت من الشياطين قلت يالله ياستار يالملتجا
حبها زاد بقلبي مع مرور السنين ماشفته ثلاث سنين ومازلت برجا
مانطوله بخطه وذي بلة الطين لو نخرق الارض ولو بالسما نعرجا
كل ماقلت أبنساه لعله ناسين هام فكري وفي صحرا الهجوس أدلجا
كم ليلة(ن) تمنيت طيفه مايجين لكن شوقي له يلوع القلب ويسرجا
أبصبر واتصبر على العسر واللين عسى ربي بعد طول الصبر يفرجا
راعي الهوى لو أخفاه بوجهه يبين علته تصعب على الطبيب المعالجا
واختم ابصلاتي على سيد المرسلين اللي نور هديه لأهل الباطل يفلجا
وسط قلبي لجا وزاد الهم همين بس أطالع نجوم الليل وسط الدجا
سهرنا وليتنا من سهرنا سالمين من النوم صرت أنا بين الياس والرجا
واصبح الصبح ماذقت نوم المسلمين وقبل نور الشمس عديت روس الحجا
ياحمام ياللي سجعت بنوح الحنين جاوب النوح قلبي يوم له تزعجا
ذكرت اللي مضى لي مع سيد المزايين فيه وصف من وصفك ومشيك لدرجا(
أبو قذلة(ن) مقترنة(ن) بالحجاجين وله عين(ن)مثل عين المها وادعجا
وله عنق(ن)مثل عنق فرخ الشياهين والخشم سلة السبف ولا فيه اعوجا
وله ثمان ارهاف(ن)كما اللولو صفين ومبسم حمر واليا ضحك فيه اغنجا
مبسمه كما الخاتم مرسوم الشفاتين يسيل العسل من السانه كل ماهرجا
رمشها ريش النعامة ضافي على العين من تصيبه سهوم عيونها ما نجا
لاسلهم بعينه مثل طعن السكاكين وله غرة(ن) تذبح ليا من ابلجا
بياض اخدودها من ورى الشيلة يبين ورمش الغضي لمعاليق القلب ازلجا
زول ريمية(ن)ترعى السهل والبطين تجفل من الهوى والخوف له منهجا
جمع كل زين(ن)بالبنات الملاوين حاير اللون ولكن نجدي المنتجا
بالله ياطير ياخفاق الجناحين من عالي المواكر بين سلمى وأجا
ليا من نويت الحوم دوك العناوين سلم لي على راعي الوجه الأبهجا
وانا بانتظر واصبر لحد ماتعودين وعجلي بالخبر لجل الصدر يثلجا
وجدي وجد من صكوا عليه الدياين وصار مسجون للدين ولابه مخرجا
ليامن طرى تعوذت من الشياطين قلت يالله ياستار يالملتجا
حبها زاد بقلبي مع مرور السنين ماشفته ثلاث سنين ومازلت برجا
مانطوله بخطه وذي بلة الطين لو نخرق الارض ولو بالسما نعرجا
كل ماقلت أبنساه لعله ناسين هام فكري وفي صحرا الهجوس أدلجا
كم ليلة(ن) تمنيت طيفه مايجين لكن شوقي له يلوع القلب ويسرجا
أبصبر واتصبر على العسر واللين عسى ربي بعد طول الصبر يفرجا
راعي الهوى لو أخفاه بوجهه يبين علته تصعب على الطبيب المعالجا
واختم ابصلاتي على سيد المرسلين اللي نور هديه لأهل الباطل يفلجا