ramat
03-24-2008, 11:06 AM
لاشك ان وسيلة الاتصال قديما كانت محصورة بالرسايل(الخطوط) وكانت تلك الرسايل تحمل نقاء وبراءة وطهارة قلوب معاصريها واليكم نموذجا من تلك الرسايل
بسم الله الرحمن الرحيم
أخــيــتــي الـــغـــــالــــيـــــه أم 00000000 الله يعدي عنك
السلام عليكم ورحمة الله و بركاته وبعد
خطكم الشريف وصل وفرحنا به وكثر الله خيركم على المقطع والغدفه اللي كزيتي لي وأبشرك إن أخبارنا تسرك، البقرة أضنت ، والبيض فقش ، والدجاجة الرقطا راجنه ، وان دحيم العلي أعرس ونوير مخطوبه ،
وعزيز فطمناه من الرضاع ، ورقية رفّعناه من السقاط ، وصويلح شراله دنانه وسليم ختم المصحف ، وعبيد
الصالح طاب من الصخنه ، ومحمد ولد مضيوي بدا يحبي والحمد لله طاب الجحام اللي بعينه ، وأنتي صادقه
حطينا عليه تبنه ، وهيا طابت القطوف اللي براسه ، ومنيّر مشطناه بورده ، وأم ابراهيم طلعت من
الماجب وتممنا لسويلم ، والنعال الزنوبا اللي تخبرين عندنا هاك السنه رقعناهن ، ومقطع الروز خبناه ،
والدوشق غيرنا قطاعته، والسفره الكبيره علقناه بالقبه ، وحطينا بيت للرادو والمصحف حق عمي ، والسراج
زينا فتيلته ، والزبيل مليناه حتات من نخلتنا ، وشرينا سحّاره ولقيناه منكسره ، وابقولك اني مع هالحموله
غاديه حوسه الطايه تخر ، والمثعب منشق ، والوتد منقلع ، ، الله يهديك يخيتي يام دحيم
البزار اللي كزيتيه الكركم به شوي ، والمسمنه تقل رماد مابه ليمون والفتيت مسري ، والكليجا تقل عظامه
وذا بغيتو تكزون شي ! كزوا شي يبل الريق ويواجه عند الحموله . معكم علم إن حمولتنا ناس نقاده وخالتي
شراهه ، وعمتنا حقنه مايجوز له شي مثل رقاص الساعه وجذا عينهم شيبان
كبري يترددون على هالجصه قضوا على النعمه الله يهديهم وانا ما ودي أطول عليك الحكي ، عسى مايخلين
منك ولا من جناين قلبك وسلميلي عليهم كثير السلام وعلى من يعز عليك أخص بالسلام الرقوي وحصوص
وقولي لهم والله ماخلان أقصر عنوتي وقعد عن شوفكم الا إني عويجزه ولاصقة على ظهري وضليعاتي
ومارخه كتوفي ورجيلاتي بالفقس . ومعك علم هالريح يجين بين حين وحين يالله حسن الخاتمه والعمل
الصالح وسلمي وانتي سالمه .....
المرسله أحتك أم 0000
ومع السلامه ,,,,,
من اراد الترجمه فليتفضل بالسؤال
الرساله منقولة بتصرف
بسم الله الرحمن الرحيم
أخــيــتــي الـــغـــــالــــيـــــه أم 00000000 الله يعدي عنك
السلام عليكم ورحمة الله و بركاته وبعد
خطكم الشريف وصل وفرحنا به وكثر الله خيركم على المقطع والغدفه اللي كزيتي لي وأبشرك إن أخبارنا تسرك، البقرة أضنت ، والبيض فقش ، والدجاجة الرقطا راجنه ، وان دحيم العلي أعرس ونوير مخطوبه ،
وعزيز فطمناه من الرضاع ، ورقية رفّعناه من السقاط ، وصويلح شراله دنانه وسليم ختم المصحف ، وعبيد
الصالح طاب من الصخنه ، ومحمد ولد مضيوي بدا يحبي والحمد لله طاب الجحام اللي بعينه ، وأنتي صادقه
حطينا عليه تبنه ، وهيا طابت القطوف اللي براسه ، ومنيّر مشطناه بورده ، وأم ابراهيم طلعت من
الماجب وتممنا لسويلم ، والنعال الزنوبا اللي تخبرين عندنا هاك السنه رقعناهن ، ومقطع الروز خبناه ،
والدوشق غيرنا قطاعته، والسفره الكبيره علقناه بالقبه ، وحطينا بيت للرادو والمصحف حق عمي ، والسراج
زينا فتيلته ، والزبيل مليناه حتات من نخلتنا ، وشرينا سحّاره ولقيناه منكسره ، وابقولك اني مع هالحموله
غاديه حوسه الطايه تخر ، والمثعب منشق ، والوتد منقلع ، ، الله يهديك يخيتي يام دحيم
البزار اللي كزيتيه الكركم به شوي ، والمسمنه تقل رماد مابه ليمون والفتيت مسري ، والكليجا تقل عظامه
وذا بغيتو تكزون شي ! كزوا شي يبل الريق ويواجه عند الحموله . معكم علم إن حمولتنا ناس نقاده وخالتي
شراهه ، وعمتنا حقنه مايجوز له شي مثل رقاص الساعه وجذا عينهم شيبان
كبري يترددون على هالجصه قضوا على النعمه الله يهديهم وانا ما ودي أطول عليك الحكي ، عسى مايخلين
منك ولا من جناين قلبك وسلميلي عليهم كثير السلام وعلى من يعز عليك أخص بالسلام الرقوي وحصوص
وقولي لهم والله ماخلان أقصر عنوتي وقعد عن شوفكم الا إني عويجزه ولاصقة على ظهري وضليعاتي
ومارخه كتوفي ورجيلاتي بالفقس . ومعك علم هالريح يجين بين حين وحين يالله حسن الخاتمه والعمل
الصالح وسلمي وانتي سالمه .....
المرسله أحتك أم 0000
ومع السلامه ,,,,,
من اراد الترجمه فليتفضل بالسؤال
الرساله منقولة بتصرف